Донишкадаи давлатии фарҳанг ва санхати Тоҷикистон 





ГАЗЕТА

Муфассал...



НАВИДҲО


ГУЛБОНГИ ДУТОР

   Қурбони Қурбониён - ин ҳунарманди маъруф ва чирадастро аксари мардуми тоҷик мешиносанд ва аз маҳорати иҷрокунандагии ӯ лаззат бурдаанд. Таърифу тавсифи ҳунари  навозандагии ӯро ҳанӯз аз даврони наврасиам шунида будам. Бо донишҷӯи ДДФСТ ба номи Мирзо Турсунзода (соли 2002)  гардидан, худ шоҳиди ҳунари ӯ шудам ва бо  гузашти солҳо бо ӯ аз наздик ошноӣ пайдо карда, ҳамсуҳбат гардидам. Дарк кардам, ки ҳамсуҳбатам  инсони  наҷибест.  Вақте ки суҳбатро бобати  ҳунари дуторнавозии ӯ оғоз кардам,  дар ҷавоб ӯро як ҳиссиёти аҷибе  фаро гирифт.  Аз ин ҳиссиёт кас дарк мекард, ки дунёи ботинии ин устоди ҳунарро офаридгор  бо тори дутор азалан пайвастааст. Ӯ ҳамрози дутор аст,  дутор ҳамнаво  ва қурбони захмаҳои дилу ангуштони  Қурбон.  Қурбон ангушт ба тор мезанад ва дутор бо овои худ қисса аз рӯзгори афроде  мекунад, ки гоҳ аз сарнавишти худ розӣ ва гоҳ нолон аст. Рӯзгореро пеши рӯ меорад, ки инсони камолёфтаю солхӯрда  дар он хуррамию  шодӣ, комёбию бобарорӣ, наврасию ҷавониро  ба хотир меорад ва наврасе  парвози орзуҳои худро дар ҳавои ана ҳамин сози дутор амалан мепайвандад.

   Шахси ҳунарманд, бахусус онҳое, ки дар пойдор нигоҳ доштани мусиқии халқии тоҷикӣ ва муаррифии оҳангҳои дилангези як созе дар мисоли сози дутор дар ҷомеа ҷойгоҳи вижаи худро соҳиб шудаанд. Қурбони Қурбониён баён медорад, ки дутор пардадор ва бепарда мешавад.  Дутори  пардадор ва бепарда  дар  навохтаҳои   дуторбадастони машҳури ҷумҳурӣ, аз қабили Ҳикмат Ризо, Ҳаким Маҳмудов, Рустами Абдураҳим, Муҳаммадҷон Муминов, Ҳотам Пӯлодов, Давлат Ёров  дар жанрҳои гуногуни достонсароӣ, наҳтхонӣ, фалаксароӣ ва сурудҳои халқӣ васеъ истифода шудаанд, ки  маҳз ӯ дар пайравӣ бо онҳо дар интихоби касб муваффақ гардидааст.


   2019-05-17      Муфассал...

НАТИҶАГИРӢ АЗ  ФАЪОЛИЯТИ  ФАКУЛТАҲОИ  ЭҶОДӢ ДАР СОЛИ ТАҲСИЛИ 2018 - 2019

   14 май дар толори  «Арғунун»-и Донишкадаи давлатии фарҳанг ва санъати Тоҷикистон  ба номи Мирзо Турсунзода чорабинии фарҳангӣ -«Ҳисоботи эҷодии омӯзгорон ва донишҷӯёни  ДДФСТ ба номи Мирзо Турсунзода дар соли  таҳсили 2018-2019» баргузор шуд.

   Қабл аз баргузории чорабинӣ дар даромадгоҳи толор намоиши дастовардҳои илмӣ - эҷодии факултаҳои донишкада, аз қабили дастурҳои таълимӣ, китобҳои бадеӣ, ки аз тарафи  омӯзгорону профессорон ба табъ расидаанд, ҳамчунин дастовардҳои донишҷӯёни фаъол аз олимпиада ва озмунҳои ҷумҳуриявӣ ба маърази тамошо гузошта шуда буданд.


   2019-05-15      Муфассал...

ВОКУНИШҲОИ МО СУПОРИШӢ НЕСТАНД
Матлабҳои шумо супоришианд

   Фаъолияти шабакаҳои иҷтимоӣ дар Ҷумҳурии Тоҷикистон имкон фароҳам овардааст, ки   ҳар фарди ҷомеа бевосита ба онҳо ворид шуда, матлаби дилхоҳашро дастрас, мутолиа ва ё навори онро тамошо карда, назари худро баён намояд.  Ин аз чанд ҷиҳат манфиатбахш  аст. Яъне, шахс озодии баёни худро дар чаҳорчӯбаи қонун амалӣ сохта, мавқеи худро нисбат ба ҳодиса ва ё воқеаи баамаломада муайян менамояд ё ин ки бетараф  набуданашро нисбат ба ҳалли  масъалаҳои мубрами дар ҷомеа рӯйдода, нишон медиҳад.

   Имрӯз интернет ба ҳамагон дастрас буда, маҳдудият дар  дидану хондани маводи нашрии он  ба назар намерасад.  Гуногунандешӣ дар матолиби нашршуда дида мешавад. Саҳифаҳои интернетӣ нисбат ба дигар ВАО - телевизион, радио ва матбуоти даврӣ бинанда ва хонандаи бештар доранд. Яъне, дар шароити кунунӣ аз маводи чопии рӯзнома ва ҳафтаномаҳо  дида, мардум бештар ба ахбори тозанашри шабакаи интернетӣ рӯ меоранд. Дар ҳама ҳолат талабгорони иттилои тоза ниёз ба шабакаҳои иҷтимоӣ доранд ва аз рӯйдодҳои навини дохил ва  хориҷи кишвар  иттилоъ мегиранд. Аз ин рӯ,  мушкил аст, пайдо намудани роҳе, ки   ба баҳсҳо монеа эҷод мекарда бошад. Дар ин хусус наметавон сарфи назар  аз дидгоҳи дигарон кард ва касеро дар баёни андешаи солиму носолим гунаҳкор донист.


   2019-05-11      Муфассал...

ФИДОИИ САҲНА. Имрӯз ҳунарманди нотакрор ва яке аз бозёфтҳои нодири театри тоҷик Ҳошим Гадо зодрӯз дорад

ДУШАНБЕ, 10.05.2019. /АМИТ «Ховар»/. Имрӯз ба зодрӯзи Арбоби ҳунари Тоҷикистон, Ҳунарпешаи халқии Тоҷикистон, Ҳунарпешаи халқии СССР, дорандаи Ҷоизаи давлатии ба номи Рӯдакӣ ва Ҷоизаи давлатии СССР Ҳошим Гадо 82 сол пур шуд.

Ду сол пеш, дар рӯзи таҷлили 80-солагии худ, Ҳошим Гадо барои хизматҳояш дар рушди санъати театрии тоҷик, офаридани асарҳои барҷаста ва тарбияи кадрҳои соҳа бо фармони Президенти Ҷумҳурии Тоҷикистон бо унвони ифтихории «Арбоби ҳунари Тоҷикистон» қадршиносӣ гардида буд. Шаҳодатнома ва нишони сарисинагии ин унвони баландро ба ӯ 10 майи соли 2017 дар Қасри миллат Сарвари давлат муҳтарам Эмомалӣ Раҳмон супориданд.

 


   2019-05-10      Муфассал...

СУРУДИ МИЛЛӢ – МУАРРИФИ ТОҶИКИСТОН ДАР ҶАҲОН! Дар Душанбе оид ба яке аз рамзҳои асосии давлатдории мо китоби нав ба нашр расид

ДУШАНБЕ, 10.05.2019 /АМИТ «Ховар»/. Дар Душанбе таҳти унвони «Суруди миллӣ» китоби Иброҳим Пирназарзода ба нашр расид. Бояд гуфт, ки дар бораи суруди миллӣ, моҳият ва муҳтавои он пажӯҳишгарону донишмандони соҳа борҳо навишта бошанд ҳам,  миёни онҳо ин дастури мукаммалу мушаххас мавқеи вижаро  дорост.

Дастури мазкур барои таҳкими ҳувияти миллии наврасону ҷавонони кишвар ва кулли ҳамватанон таҳия гардида,  аз пешгуфтор, фаслҳои «Таърихномаи Суруди миллӣ», «Суруди миллии Тоҷикистони соҳибистиқлол», «Санадҳои меъёрии ҳуқуқӣ оид ба Суруди миллӣ», «Санадҳои пешинаи меъёрии ҳуқуқӣ оид ба Суруди миллии Ҷумҳурии Тоҷикистон» ва охирсухан фароҳам омадааст.


   2019-05-10      Муфассал...



ЭЪЛОНҲО




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс



МАҶАЛЛА

Муфассал...



ҲАМКОРҲО