Донишкадаи давлатии фарҳанг ва санхати Тоҷикистон 





ГАЗЕТА

Муфассал...



НАВИДҲО


ТАҶЛИЛИ НАВРӮЗ
Дар Донишкадаи давлатии фарҳанг ва санъати Тоҷикистон ба номи Мирзо Турсунзода

   Дар доираи баргузории  «Рӯзҳои ВГИК  дар  Ҷумҳурии Тоҷикистон» як зумра чорабиниҳо бо ташаббуси устодон ва донишҷӯёни ДДФСТ ба номи Мирзо  Турсунзода баргузор шуданд. Аз ҷумла,  рӯзи 14-уми марти соли ҷорӣ дар донишкада ҷашни Наврӯзи байналмилалӣ бо шукӯҳу шаҳомати хос таҷлил гардид, ки барои устодон ва донишҷӯёни ВГИК писанд омад. 

   Дар ин чорабинии фарҳангӣ ҳамаи факултетҳо дар гӯшаҳои саҳни донишкада дастурхони наврӯзӣ ороста буданд. Дастархонҳоро меваҳои санҷид, ангур, анор, себ, биҳӣ, туранҷ ва ғизоҳое, аз қабили  суманак, тухми мурғ ва моҳӣ оро медоданд.  Дар ин рӯз донишкада симои идонаро ба худ касб карда буд. Духтарони донишкада ҳамчун рамзи Наврӯз либоси сафед ва писарон низ ҷомаҳои сафед ба бар доштанд. Зеро, яке аз нишонаҳои муҳим дар фарҳанги Наврӯз ин сафедӣ мебошад, ки он рамзи покиву озодагӣ ва  сафову осудагӣ ба шумор меравад. Аз ҳар гӯшаи ДДФСТ ба гӯш садои наю рубоб, чангу уд ва карнаю доира ба гӯш мерасид, ки воқеан ба дили кас фараҳу шодӣ мебахшид.


   2019-03-16      Муфассал...

Наврӯзи бостонӣ – фарҳанги худшиносии миллӣ
(ба муносибати ҷашни Наврӯз)

         Наврӯз, ки чанд сол аст, тибқи муқаррароти Созмони Милали Муттаҳид дар тамоми дунё санаи 21 март мавриди таҷлили саросарӣ қарор мегирад, дар баробари дигар муқаддасоти миллию аҷдодӣ аз муқаддасаи муҳим ва арзишманди таърихи фарҳангу тамаддуни тоҷикӣ маҳсуб ёфта, бори масъулияти ҳамзистию ҳамгироии милалу халқиятҳои қаламрави Тоҷикистонро бар дӯш дорад. Собиқаи таърихӣ ва фарҳангии ин ҷашни инсонсоз гувоҳӣ медиҳад, ки он ҳамеша ҷонибдори саодату пирӯзии навъи башар буда, инсонро ба сӯйи ҳамдигарфаҳмию вафодорӣ, некуйиву меҳрварзӣ, хирадмандию ақлгаройӣ, собитқадамию устуворӣ, хештандорию худогоҳӣ, худшиносию ҳувиятписандӣ ҳидоят намудааст ва бо гузашти қарну асрҳои мутамодӣ суннату ойинҳои Наврӯз имрӯз ҳам на танҳо дархӯри ҷомеа мебошанд, балки дар таҳрики худогоҳию худшиносии милливу мардумӣ нақши калидӣ доранд. Маҳз ҳамин нукта боис гардид, ки мақоми марбутаи Созмони Милали Муттаҳид – ин мақоми баландпояи сиёсии башарӣ ҷашни Наврӯзро ба сифати ҷашни ҷаҳонӣ шинохт ва таҷлили саросарии онро дар манотиқи мутааддади сайёра тавсия ва иҷозат дод.

     Худшиносӣ эҷоди фардист ва биниши инсониро дар робита бо зиндагӣ, ҳастӣ, кайҳон ва билохира олами инсонӣ  ифода мекунад. Ҳар нафар бо назардошти фаросат, фазилат, дарк, хирад ва маърифати худ ба ҷаҳону ҳастӣ менигарад ва ба ин восита ҷаҳони худогоҳию худшиносиашро тавсеа мебахшад.


   2019-03-16      Муфассал...

ДАРСҲОИ МАҲОРАТ
Барои такмили ихтисоси донишҷӯёни эҷодкор мусоидат менамоянд

   Дар доираи баргузории  «Рӯзҳои ВГИК  дар  Ҷумҳурии Тоҷикистон» як зумра чорабиниҳо амалӣ гардиданд. Аз ҷумла, панҷ дарси маҳорат (мастер- класс) аз ҷониби   устодони збардасти ДДУК (ВГИК) Архипов Валерий Валентинович,  Закиров Айдар Загитович, Кузнецова Ксена Юревна, Грамматиков Владимир Александрович, Аҳадов Валерий Бақиевич   дар мавзӯҳои мухталиф бо иштироки донишҷӯёни Донишкадаи давлатии умумироссиягии кинематография ба номи С. А. Герасимов ва Донишкадаи давлатии фарҳанг ва санъати Тоҷикистон ба номи М. Турсунзода баргузор гардиданд, ки барои донишҷӯён ва коромӯзон хеле муфид буданд. Воқеан аз дарсҳои ин устодони забардаст, ки ҳар кадомашон маъруфтарин чеҳраҳои самои ҳунару санъат ба шумор мераванд, донишҷӯён ва устодон таассуроти баланд бардоштанд ва чунон ки худи донишҷӯёни шуъбаи акёрӣ қайд намуданд,  ин дарсҳои маҳорат дар китоби ҳаёташон саҳифаи тоза боз карданд.

   Дарси маҳорати пофессори кафедраи маҳорати актёрӣ Айдар Закиров таҳти унвони «Машқҳои асосии ҳаракати саҳна»  санаи 12 марти  соли ҷорӣ дар Театри таълимии ДДФСТ ба номи М. Турсунзода баргузор гардид, ки дар он 200 нафар донишҷӯи тахассусҳои актёриву режиссёрии донишкадаи мазкур ширкат варзиданд. Ин дарс хеле шавқовар гузашт. А. Закиров хеле чусту чолокона ҳаракат кардан дар саҳнаро ба донишҷӯён омӯзонда, барои исбот ва тақвияти амалҳои анҷомдодааш лаҳзаҳои беҳтарини “Ромео ва Ҷулетто”- и Шекспирро нишон дод. Ҳамчунин, ӯ тарзи тирандозӣ ва роҳҳои гуногуни ҷанги тан ба танро ба донишҷӯён омӯзонд, ки барои такмил додани тахассусашон хеле муфид аст.  


   2019-03-15      Муфассал...

ҒОЛИБОНИ КИНОФЕСТИВАЛИ  БАЙНАЛМИЛАЛӢ МУАЙЯН ГАРДИДАНД

   Дар доираи  «Рӯзҳои ВГИК дар Ҷумҳурии Тоҷикистон», аз 12 то 14 марти соли равон,  дар шаҳри Душанбе  Кинофестивали  байналмилалии филмҳои кӯтоҳметражаи  донишҷӯии «Қатра» баргузор гардид. Барои   иштирок дар кинофестивали байналмилалӣ 28 филми донишҷӯён аз  Федератсияи Россия,  ҷумҳуриҳои Қазоқистон, Ӯзбекистон ва  Ҷумҳурии Исломии Афғонистон  пешниҳод гардиданд, ки 13-тои онҳо ҳамчун филмҳои озмунӣ  пазируфта шуданд.

   Маросими пӯшидашавии Кинофестивали байналмилалии филмҳои кӯтоҳметражаи донишҷӯии «Қатра» шоми 14 марти соли равон дар толори консертии «Арғунун»-и Донишкадаи давлатии фарҳанг ва санъати Тоҷикистон ба номи Мирзо Турсунзода сурат гирифт. Пеш аз оғози маросим  дастаи ҳунарии Академияи Вазорати корҳои дохилии Ҷумҳурии Тоҷикистон бо барномаи ҷолиби консертӣ хотири иштирокдоронро болида гардонд.


   2019-03-15      Муфассал...

«ЭДИП»
Дар сатҳи хеле баланди актёрӣ таҳия ва пешкаш гардид

   Шоми 14 март дар толори Театри таълимии ДДФСТ ба номи Мирзо Турсунзода намоишномаи «Эдип»- и Софокл пешкаши тамошобинон ва меҳмонон - донишҷӯёну ҳайати роҳбарикунандаи ВГИК ба номи А.С. Герасимов гардонда шуд. Намоишномаро профессори кафедраи маҳорати актёрӣ, Ҳунарпешаи халқии Ҷумҳурии Тоҷикистон Тағоймурод Розиқов ба саҳна гузошта, дар он хатмкунандагон - донишҷӯёни курси чоруми шуъбаи актёрӣ нақшофарӣ карданд. Қабл аз оғози намоишнома Т. Розиқов - роҳбари бадеии курси 4-уми шуъбаи актёрии факултети театр, кино ва телевизион баромад намуда, дар бораи ба саҳна гузоштани ин асари оламшумул дар театрҳои ҷаҳон ва имрӯз бо диди тозаи коргардонӣ, рассомӣ, ороиши саҳна, грим ва тарроҳӣ рӯи саҳна овардани он ибрози андеша кард.

   Рафти намоиш нишон дод, ки ин намоишнома дар сатҳи хеле баланди актёрӣ таҳия карда шудааст. Хатмкунандагон- актёрҳои оянда маҳорати баланди иҷрокунандагӣ нишон дода, драматизми воқеаро шиддат бахшиданд. Аз ин бар меояд, ки дар тӯли таҳсилашон онҳо дар донишкада бо нозукиҳои санъати театрӣ хеле хуб ошно шуда, тавонистанд диққати тамошобинро ба худ ҷалб намуда, сазовори аҳсанти онҳо гарданд.


   2019-03-15      Муфассал...



ЭЪЛОНҲО




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс



МАҶАЛЛА

Муфассал...