Ҷавонон  дар  ҳама  давру  замон  қувваи  пешбарандаи  ҷомеа  буда,  ояндаи   миллату  давлат  ба  онҳо  вобаста  аст. Дар  давоми  28 соли соҳибистиқлолӣ   дар самти  баланд бардоштани  мақоми  ҷавонон  дар  ҳаёти  ҷомеа, муҳайё  сохтани  шароити  мусоид  барои  таълиму  тарбияи  онҳо, илму  касбомӯзӣ, аз  худ  кардани  забонҳои  хориҷӣ  ва  техналоигяҳои   муосиру  итиллоотӣ ва  телекоммуникатсионӣ  тамоми  шароити  зарурӣ  муҳайё  буда, инчунин,  барои  амалӣ  намудани  ташаббусҳои  ҷавонон  аз  ҷониби  Ҳукумати  Ҷумҳурии  Тоҷикистон  заминаи  мусоид   оварда  шуд.

   Айни  замон  дар самти  дастгирии  ҷавонон  санадҳои муҳими  давлатӣ  қабул  гардида,  ҷамбаҳои  фаъолияти  онҳо  дар  шароити  муносибатҳои  нави  сиёсиву  иҷтимоӣ  муайян  карда  шудаанд. Махсусан,   қабул  гардидани  Қонуни  Ҷумхури Тоҷикистон «Дар  бораи  ҷавонон  ва   сиёсати   давлатии  ҷавонон» собит   сохт,  ки  Ҳукумати Ҷумҳурии Тоҷикистон  дар сиёсати  худ  ба  ҷавонон  такя  карда, тарбия  намудан   ва   ба   камол  расонидани   насли  ҷавону   созандаро  яке  аз  вазифаҳои  аввалиндараҷаи  худ  медонад.  Дар  даврони  соҳибистиқлолӣ   як  қатор   барномаҳои  давлатӣ  доир  ба  дастгирии  ҷавонон,  баланд  бардоштани   қубҳу  манзалати  онҳо  дар ҷомеа   ва   беҳтар  намудани  вазъи иҷтимоии   ҷавонон  қабул  карда  шуданд,  ки  ҳар  кадоме  аз  ин  санадҳо  дар  ҳаёти  ҷавонони   кишвар  нақши   созанда   бозидаанд. Дар  ин давра  «Барномаҳои миллии  ҷавонони   Тоҷикистон  барои  солҳои  1999-2000   ва  2001-2003»,  «Барномаи  давлатии   тарбияи  ватанпарастии  ҷавонони   Тоҷикистон «стратегияи  сиёсати   давлати  ҷавонон  то соли  2020» қабул  гардиданд, ки  барои   татбиқи  самараноки  сиёсати    давлатии ҷомеа      заминаи   мусоид    фароҳам   оварда,  мавқеи   ҷавононро  дар  ҷамъият  боз   ҳам  мустаҳкам гардониданд.  Илова   бар   ин,  ин   ба   хотири  таҳким   бахшидани  робита   байни  Сарвари   мамлакат  ва  ҷавонони  мамлакат  дар  назди    Ҳукумати     Ҷумҳурии   Тоҷикистон   Шӯрои   миллӣ   кор   бо  ҷавонон   таъсис   дода  шудааст   ва   аз   ҷониби   Ҳукумати    мамлакат   роҳбарӣ   намудани   Шӯрои    мазкур  намунаи   олии  эҳтиром   ва   эътимода  Роҳбарияти  олии  сиёсии   кишвар   ба   ҷавонон   мебошад.   Дар   фармони   Президенти   Ҷумҳури   Тоҷикистон  аз  2-юми августи   соли-2008  №502 бо  мақсади  дастгирии   шахсони   болаёқат  ва   бо  назардошти  талаботи   иқтисодии   милллӣ   таёр  намудани   мутахасисон   дар   муассисаҳои   хориҷӣ    аз  ҳисоби   фонди    махсуси   Сарвари    мамлакат   ҷиҳати   таёр  намудани   мутахасисон  дар  хориҷи  кишвар стипендяи байналмилалии  ПЧТ «Дурахшандагон» таъсис дода   шуд. Донишҷӯёни  МДТ “Донишкадаи  давлатии фарҳанг  ва  санъати Тоҷикистон   ба  номи  Мирзо  Турсунзода”  аз  зумраи  донишҷӯёни   макотиби  олии  кишвар  дар  соҳаи  фарҳангу   санъат  ба  ҳисоб   рафта,  бевосита  дар   чорабиниҳои фарҳангию  фароғатии  сатҳи ҷумҳуриявӣ ва донишкадавӣ  фаъолона  ширкат  меварзанд. Боиси  таассуф   аст,  ки  дар  замони  пешрафти  илму  техника,  ҳар  нафари  мо  бояд   танҳо   дар  фикри   омӯхтани  дониш  ва   вусъат  бахшидани  ҷаҳонбинии  хеш  бошем,  баъзан  фирефтаи   иғво,   дасисаҳои  беруна  мешавем.  Яке аз  ин  масъалаҳои  ташвишовар  ва  муҳими   рӯз   шомил  шудани  баъзе   аз  ҷавонон   ба  ҳизбу   ҳаракатҳои   экстрсмистиву  терорристӣ  ва  дастгир   шудану  маҳкум гардидани   даҳҳо   нафари   онҳо   мебошад.  Бояд   гуфт, ки  ифротгароӣ   ва    хурофотпарастӣ    сарчашмаи  ҷаҳолату   торикӣ   буда, ба   миллат  ва  мардуми  тоҷик   танҳо    бадбахтӣ  оварда   ва  барои   рушди     ҷомеаву    давлат  монеаи   ҷиддӣ  эҷод  мекунад. Сабаби  шомил  шудани  ҷавонон  ба  ин  гурӯҳҳо аз  паст  будани   савияи  дониш  ва  надоштани  саводи  кофии  диниву  сиёсии   онҳо  мебошад.  Ташвиқу   тарғиби  ҳаёти  солим дар  байни ин наврасону  ҷавонон  низ  яке   аз  масъалаҳои   муҳим  ба  шумор  меравад. Зеро  наврасону  ҷавонон  ҳар  қадар  солиму  бардам бошанд,  давлат   ва  мамлакат  низ ба ҳамон  андоза неруманд  мегардад,  имрӯз баъзе  бемориҳо  аз ҷумла;  нашъамандӣ, тамокукашӣ  ва  дигар   одатҳои  номатлуб  дар  байни  ҷавонон рӯ ба  афзоиш   доранд. Мубтало  шудани  ҷавонон   ба  ин   кирдорҳои номатлуб ҳам  ба  саломатии  худи  онҳо  ва   инчунин,   ба  рушди  минбаъдаи   ҷомеа   низ  таъсири    манфӣ  мерасонад.

   Ба  қадри   давлати   соҳибистиқлол  ва  зиндагии    орому  осуда    расидан,   ба арзишҳои   муқаддастарини  давлату  миллатро  дарк намудан   ва   пос  доштани  онҳо   ҳам   қарз,  ҳам  масъулият, ҳам   шарафу  номуси   ватандорӣ,   ҳам ифтихор   аз  давлату  миллати  хеш  аст.  Бинобар   ин,  мо  ҷавононро  зарур   аст,   ки    ҷавобан   ба  дастгириҳои  доимии  Ҳукумати  Ҷумҳурии Тоҷикистон,  бахусус,  Асосгузори  сулҳу ваҳдати  миллӣ —  Пешвои  миллат,  Президенти Ҷумҳурии Тоҷикистон  муҳтарам  Эмомалӣ  Раҳмон   масъулияти  бузурги   таърихӣ   ва  карзи   пурифтихори   фарзандии  худро   сарбаландона  иҷро   намуда,   ба  хотири    рушди  рӯзафзуни   кишвари   бихиштосоямон   ҳамчун  созандагони  фардои  Ватан, зиракии сиёсиро  аз  даст  надода,   хизмати  арзанда  ба  ҷо оварем.

Раиси созмони ҷавонони МДТ
«ДДФСТ  баноми МирзоТурсунзода»
Кароматулло   ЮСУПОВ