Мудири  кафедра: Номзади илмҳои таърих, Ҷобиров Раҷабаллӣ Фатҳуллоевич

Барои тамос: ш. Душанбе, хиёбони Борбад 73а, бинои 1 ошёнаи 3

Тел: +992918312990

E-mail: rajab.1987@mail.ru

 

[su_accordion][su_accordion] [su_spoiler title=»Таърихи кафедра» open=»no» style=»default» icon=»plus» anchor=»» class=»»]

   Тибқи Қарори Ҳукумати Ҷумҳурии Тоҷикистон аз 21 феврали соли 2008, № 34 2/45 кафедраи бойгоншиносӣ, бо таҳсилоти бакалаврият дар назди факултети китобдорӣ ва иттилоотшиносӣ таъсиси ёфтааст. Аз рӯзи таъсисёбӣ инҷониб дар тайёр намудани мутахассисони бойгоншинос саҳми назаррас гузоштааст. Мақсади асосии кафедра омода намудани мутахассисони соҳаи ниҳоят барои ҷомеа муҳим- бойгоншинос маҳсуб меёбад.

   Кафедраи бойгоншиносӣ бо дарназардошти дастуру супоришҳои Асосгузори сулҳу ваҳдати миллӣ-Пешвои миллат-Президенти Ҷумҳурии Тоҷикистон, муҳтарам Эмомалӣ Раҳмон, қарору фармонҳои Ҳукумати мамлакат, Вазорати маориф ва илми Тоҷикистон, Вазорати фарҳанги Ҷумҳурии Тоҷикистон ва роҳбарияти Донишкада фаъолият намуда истодааст. Тамоми барнома ва нақшаи кории кафедра аз рӯи самтҳои таълим, илм ва тарбия ба роҳ монда шудааст. Ҷиҳати беҳтар намудани сатҳу сифати таълим бо як қатор муассисаҳои олии кишвар, аз ҷумла Донишгоҳи Мииллии Тоҷикистон ҳамкориҳои доимӣ ба роҳ монда шуда, мутахассисони варзида, пеш аз ҳама дотсентону профессорон пайваста ба корҳои таълимӣ ва илмии кафедра ҷалб карда шудаанд. Инчунин кафедра бо Саридораи бойгонии назди Ҳукумати Ҷумҳурии Тоҷикистон низ ҳамкории наздик дошта, дарсҳои амалӣ, семинарҳо ва таҷрибаомӯзиҳоро дар шуъбаҳои Саридораи Бойгонии назди Ҳукумати Ҷумҳурии Тоҷикистон мегузаронад.

   Лозим ба ёдоварист, ки кафедра бо бойгониҳои вилоятҳо ва шаҳру навоҳӣ низ робитаи наздик дорад. Дар рафти таълим бойгонии ҷории Донишкада ба ҳайси нуқтаи асосии баргузор намудани дарсҳои амалӣ-семинарӣ (лабаратория) мавриди истифода қарор дода мешавад, ки дар он донишҷӯ бо ҳуҷҷатҳои бойгонӣ, тартиби ҳуҷҷатгузорӣ ва тарзи нигоҳдории ҳуҷҷатҳо, фаъолияти бойгонӣ ва дигар нозукиҳои соҳа аз наздик шинос мешавад. Кафедра дорои синфхонаҳои тахассусӣ буда, ҳамаи онҳо дорои шароити замонавӣ мебошанд. Дарсҳо бо истифода аз барномаҳои таълимӣ, китобҳои дарсӣ, дастурҳои таълимӣ ва дигар маводҳои таълимӣ ба роҳ монда мешавад. Дар ин муддат устодони кафедра- мутахассисони соҳаи бойгоншинос, аз он ҷумла дотсентон А.Ёрмуҳаммадов, С.Шарофуддинов, Н.Наҷотова ва Х.Сангалиев як зумра китобҳои дарсӣ, дастурҳои таълимӣ-методӣ ва барномаҳои таълимӣ таҳия ва ба чоп расониданд. Айни замон дар кафедра устодони зерин, аз ҷумла, доктори илмӽои таърих, профессор С.К. Муллоҷонов, номзадӽои илм, дотсентон Р.Ф. Ҷобиров С.С. Шарофуддинов, муаллими калон Д.Холмуродов, ассистентон Ф.Юсупов, Н.Холибоева, П.Ҷумъазода, Ш.Аминзода ва Қосими Охун дарс медиӽанд.

   Яке аз самтҳои дигари фаъолияти кафедраи бойгоншиносӣ ба роҳ мондани корҳои илмӣ-таҳқиқотӣ мебошад. Кафедра дорои як профессор ва се дотсент мебошад. Устодони кафедра аз рӯи мавзуҳои илмиашон ба кори таҳқиқотӣ машғул буда, дар навиштани мақолаҳои илмӣ ва иштирок дар конференсияҳои илмӣ-назариявии ҷумҳуриявӣ ва байналмилалӣ фаъолияти назаррас доранд. Вобаста ба тарғибу ташвиқи сиёсати пешгирифтаи Пешвои миллат-Президенти Ҷумҳурӣ ва Ҳукумати кишвар устодони кафедра ҳамеша мақолаҳои илмӣ-омавӣ оид ба паҳлуҳои Паёми Президенти мамлакат, Ҷаноби Олӣ Эмомалӣ Раҳмон ба Маҷлиси Олии Ҷумҳурии Тоҷикистон, дастовардҳои Ҳукумати Тоҷикистон, иду ҷашнҳои миллӣ- бахшида ба иди наврӯз, ҳафтаи илм, Истиқлолияти давлатӣ, Ваҳдати миллӣ, рӯзи Парчам, рӯзи Конститутсия, рӯзи Президент, рӯзи забони давлатӣ, мубориза алайҳи терроризму экстремизм, мубориза бар зидди корупсия, ифротгароиву тундравӣ ва амсоли он ба нашр мерасонанд.

   Маҳфуз доштани ҳуҷҷатҳо, дастхатҳо, осори гаронмояи илмӣ ва амсоли он аз анъанаҳои деринаест дар таърихи башарият, хоса тоҷикон. Пайдоиши ин суннати дерина дар рӯзгори гузаштаи тоҷикон баробар аст ба таъсисёбии аввалин давлатҳо ва империяҳо. Ҳифз намудани асноди гаронмоя ҳанӯз аз аҳди бостон ҷузъи махсуси фарҳанги давлатдории аҷдодони мо ба ҳисоб меравад. Вобаста ба ҳар давру замон ва шароити мавҷуда ашхоси масъул ба корҳои ҳуҷҷатгузорӣ ва дафтардорӣ, ҳуҷҷатҳо ва асноди заруриро бар рӯи сангу папирус, пусти дарахтон, баъдан коғаз ва ғайраҳо, чуноне ки устоди шоирон- Рӯдакӣ овардааст «Гирд карданду гиромӣ доштанд, То ба санг андар ҳаме бингоштанд» китобат менамуданд ва пасон бо тарзҳои мухталиф, масалан дар сандуқҳо ва ё рафҳои махсус барои оянда нигоҳдорӣ карда мешуд. Соҳаи бойгоншиносӣ дар ҳифзи мероси фарҳанги ғайримоддии тоҷикон ҳиссаи бузург дорад. Бо падид омадани ҷаҳони техника ва техналогия дигаргунии ҷиддӣ бар зиндагии башарият чира гардид. Ҷаҳони имрӯзаро бидуни маводҳои аудиоӣ, видеоӣ ва электронӣ тасаввур кардан ғайри имкон аст. Соҳаи бойгоншиносӣ чун ҳамқадами замона, бо тавлиди тарзу усулҳои нави нигоҳдории ҳуҷҷатҳо ва методҳои тамоман ҷадид кори бойгоншиносӣ вазифаи хешро ҷиҳати ҳифз ва нигоҳ доштани осори гаронарзиш ва асноди муҳими давлатӣ иҷро намуда истодааст. Бояд қайд намоем, ки соҳаи бойгоншиносӣ аз соҳаҳои басо муҳими ҷомеаи башарӣ, пеш аз ҳама Тоҷикистони азизи мо ба ҳисоб меравад  ва бойгоншинос нафарест, ки дар тамоми корхонаву муассисаҳои мамлакат соҳиби рисолати бузург ва касбу кори арзандааст.

   Мувофиқи фаъолияти кафедраӽои муассисаӽои макотиби олӣ дар назди кафедраи бойгоншиносӣ маӽфили илмии устодон ва донишҷӯён «Маҳфуздорон» дода шуд, ки моӽе як маротиба аз рӯи барномаи кории тасдиқгардида баргузор мегардад. Дар маӽфил асосан мавзуӽои таърихӣ, фарӽангӣ ва тахассусӣ мавриди баӽсу мунозира қарор мегирад. Мақсад аз баргузор намудани маӽфил, пеш аз ӽама дар баланд бардоштани сатӽу сифати таълим, дониши донишҷӯён ва пайдо намудани роӽӽои ӽалли проблемаӽои актуалии соӽаи бойгоншиносӣ ба ӽисоб меравад.

 

[/su_spoiler] [su_spoiler title=»Ҳайати омӯзгорон» open=»no» style=»default» icon=»plus» anchor=»» class=»»]

Ному насаб Дараҷа ва унвони илмӣ Суроғаи почтаи электроӣ
Ҷобиров Раҷабалӣ Фатҳуллоевич номзади илмҳои таърих rajab.1987@mail.ru
Муллоҷонов С.К. доктори илмҳои таърих, профессор saifullo74@mail.ru
Шарофуддинов Суҳроб Саломович номзади илмҳои таърих, дотсент
Холмуродов Давлат Муаллими калон
Юсупов Файзиддин Қутбиддинович ассистент
Қосими Охун ассистент
Аминзода Шамсулло ассистент
Холибоева Нарзиё асисент
Ҷумъазода Парвизи Исӽоқ асисент
Исмоилов Эраҷ асисент

 

[/su_spoiler] [su_spoiler title=»Фанҳои таълимӣ» open=»no» style=»default» icon=»plus» anchor=»» class=»»][su_list icon=»icon: book»]

  • Таърихи халқи тоҷик
  • Муқаддимаи бойгоншиносӣ
  • Манбаъшиносӣ
  • Назария ва методикаи бойгоншиносӣ
  • Таърихи умумии бойгониҳо
  • Таърихи бойгониҳои Ҷумҳурии Тоҷикистон
  • Этнология (мардумшиносӣ)
  • Археография
  • Феҳристнависӣ
  • Ҳифзи ёдгориҳои таърихӣ ва фарҳангӣ
  • Реклама дар бойгоншиносӣ
  • Таърихи муассисахои давлатии Ҷумҳурии Тоҷикистон
  • Таърихи афкори бойгоншиносӣ
  • Бойгонихои илмӣ-техникӣ
  • Ташкили нигохдорӣ, консерватсия ва таъмири хуччатхои бойгонихо
  • Идоракуни ва иктисодиёти бойгонихо
  • Бойгонихои аудиовизуалӣ
  • Таърихнигорӣ
  • Катибашиносӣ.
  • Дастхатшиносӣ.

[/su_list][/su_spoiler]

[su_spoiler title=»Маводҳои таълимӣ» open=»no» style=»default» icon=»plus» anchor=»» class=»»][su_list icon=»icon: download»]

СИЛЛАБУСҲО АЗ ФАНҲОИ

САВОЛНОМАҲО АЗ ФАНҲОИ

[/su_list][/su_spoiler]

[/su_accordion]