Донишкадаи давлатии фарҳанг ва санхати Тоҷикистон 





ГАЗЕТА

Муфассал...



НАВИДҲО


МАҲФИЛИ ЭҶОДИИ «БОҒБОНИ ГУЛ»

   Имрӯз дар Театри таълимии Донишкадаи давлатии фарҳанг ва санъати Тоҷикистон ба номи Мирзо Турсунзода маҳфили эҷодӣ таҳти унвони «Боғбони гул», бахшида ба 40-солагии фаъолияти эҷодии  Музаффар Искандаров, Аълочии фарҳанги Ҷумҳурии Тоҷикистон, дотсент, мудири кафедраи хореографияи факултаи санъати мусиқии мардумӣ баргузор гардид. 

   Маҳфил бо нишон додани лавҳа аз   ҳаёти устоди рақс М. Искандаров ва рақси таҳиянамудаи ӯ бо номи  «Тӯйи Хуросон» -ифодакунандаи рамзи маҳфил, пешкаши аҳли толор гардонда шуд.  Дар маҳфили эҷодӣ аъзои раёсат, омӯзгорон, донишҷӯён ва  меҳмонон - ҳунармандони соҳи рақс, дӯстон ва пайвандони   соҳибҷашн  ташриф оварда буданд.


   2019-04-30      Муфассал...

Дарси кушода дар амалия

   Имрӯз дар синфхонаи 55 дарси кушодаи номзади илмҳои фалсафа, профессори фахрии ДДФСТ ба номи Мирзо Турсунзода  Гавҳар Умарова  аз фанни маҳорати журналисти телевизион бо донишҷӯёни курси 2-юми шуъбаи рӯзноманигори телевизион доир гардид.  Дар оғози дарси кушода муаллима- Гавҳар Умарова  дар бораи  тарзу усули таҳияи барномаҳои телевизионӣ, дарёфти маълумот, муҳимияти мавзӯъ, шаклгирии он, омода кардани сужет, истифодаи бойгонӣ дар барномаҳои журналистӣ ва таносуби матн бо навор, ифоданок хондани матни лавҳаи лирикӣ маълумоти  муфассал дод. Дар асоси азхудкунии мавзӯҳои дарсӣ,  донишҳои назариявӣ ва амалии гирифтаи худ аз фанни таълимӣ донишҷӯён дар мавзӯи  «Аҷаб шаҳри дилороӣ, Душанбе»  маводҳои видеоӣ- лавҳаҳои лирикӣ ва маълумотҳо   бо усули презентатсия (рӯнамоӣ), мақолаҳо, шеъру ғазалҳо пешниҳод карданд, ки риояи қоидаҳои  барномасозӣ ва ҳусни баёну нутқи ровӣ дар онҳо дида мешуд.  

   Донишҷӯёни  курси 2-юм  С. Файзалӣ, Ш. Неъматулло, Н. Ҳасанов, М. Қурбонова, А. Насриддинов, Ш. Наҷмиддинов, Г. Одинаева, М. Давлаҳмадзода, Ш. Манаим, С. Залулова, Д. Сулаймон, А. Қурбонмамадова, Ф. Ҳоҷиева, Ф. Ҳусейнова, М. Ҷумахонова,  М. Мусо, Қ. Сафарова, Қ. Эшонов, З. Юнусова, Мадаминзода М. беҳтарин барномаҳоро пешкаш намуданд.


   2019-04-27      Муфассал...

КОНФЕРЕНСИЯИ ИЛМӢ-НАЗАРИЯВӢ - ТАҚВИЯТДИҲАНДАИ  ДОНИШҲОИ ИЛМӢ

   25-26 апрели соли равон дар толори «Арғунун»-и Донишкадаи давлатии фарҳанг ва санъати Тоҷикистон ба номи Мирзо Турсунзода  таҳти унвони «Масъалаҳои рушди фарҳанги миллӣ дар шароити соҳибистиқлолии кишварҳои Иттиҳоди Давлатҳои Мустақил ( таҷриба, тамоюл ва дурнамо)» конференсияи ҷумҳуриявии илмӣ- назариявӣ баргузор  гардид.  Конференсия  аз ду қисм иборат буд: ҷаласаи пленарӣ ва баромад дар бахшҳои алоҳида. Дар ҷаласаи пленарӣ, ки дар толори «Арғунун» бо иштироки намояндагони Вазорати маориф ва илми Ҷумҳурии Тоҷикистон, Вазорати фарҳанги Ҷумҳурии Тоҷикистон, профессорон, омӯзгорон, докторантон, унвонҷӯён, магистрон, донишҷӯён аз муассисаҳои таҳсилоти олии кишвар, Ҷумҳурии Ӯзбекистон, Федератсияи Россия иштирок ва бо маърӯзаҳои илмӣ  баромад карданд.  Маърӯзаҳо бо забони давлатӣ ва забони русӣ пешниҳод шуданд.

   Дар оғозои ҷаласаи пленарӣ  ректори ДДФСТ ба номи Мирзо Турсунзода Усмонзода Хайридин Усмон  сухани ифтитоҳӣ намуда, дар бораи робитаҳои фарҳангии байни муассисаҳои таҳсилоти олии касбии мамлакатҳои аъзои ИДМ, тавсеаи ҳамкориҳои дуҷонибаю  бисёрҷонибаи фарҳангӣ ибрози андеша карда, ҷиҳати дар сатҳи баланди илмӣ баргузор гаштани  конференсия барору комёбӣ таманно намуд.
 


   2019-04-27      Муфассал...

УМРЕ ДАР ТАЛОШИ ИЛМ

   Аҳмият  ва  нақши  китоб  аз  қадим  маълум  буд . Зеро  таърихи  рушди  ҷомеаи  инсонӣ  исбот  сохтааст , ки  бе  китобу  китобдорӣ  дар  ҳамаи  давру  замон  пешрафти  давлатдорӣ  ғайри  имкон  аст . Дар  марҳилаҳои  мухталифи  таърихӣ  шахсонеро, ки  ба  китобу  китобдорӣ  машғул  будаанд , ашхоси  босаводу  бофарҳанг  ҳисоб  мекарданд . Онҳое , ки  ба  масъалаҳои  омӯзиши  фаъолияти  китобдорӣ , таҳлил  ва  дурнамои  масъалаҳои  ин  соҳа  сару  кор  доранд , библиографишинос   меноманд . Яке  аз  чунин  шахсон , ки  тамоми  фаъолияти   меҳнатии хешро  баҳри  рушду  нумӯи  илми  библиографишиносӣ  тоҷик  ва  тайёр  намудани  мутахассисони   баландихтисос  бахшидааст, Ғуломзода  Курбон  мебошад.

   Устод  аз зумраи шогирдони ин  мактаби бузург маҳсуб меёбад ва ҳамзамон  имрӯз худ ба мартабаи устодӣ  расидааст. Пайваста дар талоши он  аст, ки мактаби китобдории тоҷик ҳамвора идомабахши анъанаҳои неки устодони варзида Раҳимҷон Шарофзода, Ислом Акрамович Ҷӯраев, Роҳила Ҳабибовна Набиева, Абдураҳим Ҳамроевич Раҳимов, Сафар Сулаймонӣ, Н.А.Сайфулина, Г.А.Мушеев, Зиёратшо Шораҳматов, Ҷелмат Шерматов, Сайидалӣ Муҳиддинов, Шариф Комилзода,  ва Бозорбой Холов бошад.

   Устод дар фазои ҳамин мактаб бо дастгириву ҳидояти устодону арҷманду равшанзамир ба камол расида, сазовори обрӯю эътибори баланд гардидааст. Вале дар ин радиф сабру талош, хирадмандию накукорӣ, вафодорӣ нисбат ба устодону ҳаммаслакон, дӯстон ва муҳимтар аз ҳама нисбат ба касб, чолокиву серғайратӣ, маҳорати баланди ташкилотчигӣ, дилёбиву самимияти ӯро аз мадди назар дур мондан камоли беадолатӣ хоҳад буд. Зеро маҳз ҳамин сифатҳои наҷиб ӯро сазовору сарафрози ҳар анҷуман гардонидаанд.

<

   2019-04-27      Муфассал...

Истифодаи самараноки интернет омили беҳтаршавии вазъи зиндагии ҷомеа

   Дар таърихи инсоният ҳамон миллат бурд кардааст, ки тақдир бар вай шахсиятҳои бузургро ҳадя намудааст, то чун оҳанрабо халқашро дар атрофи худ муттаҳид кунад ва дар сарзаминаш бо созандагӣ машғул бошад, сарҳадашро аз ҳуҷуми душман эмин дорад.

   Солҳои 90–уми асри ХХ сарзамини моро нооромӣ, парокандагӣ ва ноумеди фаро гирифта буд. Мардуми тоҷик таҳти роҳбарии Асосгузори сулҳу ваҳдати миллӣ–Пешвои миллат, Президенти ҷумҳурӣ, муҳтарам Эмомалӣ Раҳмон тавонист, бо азми устувори Ватанхоҳӣ аз вартаи хатари нобудӣ ва парешони ба шоҳроҳи рушду тараққӣ қадам ниҳад. Хушбахтона, Пешвои миллат, муҳтарам Эмомалӣ Раҳмон бо азми комилу хиради фарогир дар муддати начандон тӯлонӣ миллати парешоншударо сарҷамъ намуда, ваҳдати миллиро барқарор намуд.


   2019-04-25      Муфассал...



ЭЪЛОНҲО




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс



МАҶАЛЛА

Муфассал...



ҲАМКОРҲО