Донишкадаи давлатии фарҳанг ва санхати Тоҷикистон 





ГАЗЕТА

Муфассал...



НАВИДҲО


«ЭДИП»
Дар сатҳи хеле баланди актёрӣ таҳия ва пешкаш гардид

   Шоми 14 март дар толори Театри таълимии ДДФСТ ба номи Мирзо Турсунзода намоишномаи «Эдип»- и Софокл пешкаши тамошобинон ва меҳмонон - донишҷӯёну ҳайати роҳбарикунандаи ВГИК ба номи А.С. Герасимов гардонда шуд. Намоишномаро профессори кафедраи маҳорати актёрӣ, Ҳунарпешаи халқии Ҷумҳурии Тоҷикистон Тағоймурод Розиқов ба саҳна гузошта, дар он хатмкунандагон - донишҷӯёни курси чоруми шуъбаи актёрӣ нақшофарӣ карданд. Қабл аз оғози намоишнома Т. Розиқов - роҳбари бадеии курси 4-уми шуъбаи актёрии факултети театр, кино ва телевизион баромад намуда, дар бораи ба саҳна гузоштани ин асари оламшумул дар театрҳои ҷаҳон ва имрӯз бо диди тозаи коргардонӣ, рассомӣ, ороиши саҳна, грим ва тарроҳӣ рӯи саҳна овардани он ибрози андеша кард.

   Рафти намоиш нишон дод, ки ин намоишнома дар сатҳи хеле баланди актёрӣ таҳия карда шудааст. Хатмкунандагон- актёрҳои оянда маҳорати баланди иҷрокунандагӣ нишон дода, драматизми воқеаро шиддат бахшиданд. Аз ин бар меояд, ки дар тӯли таҳсилашон онҳо дар донишкада бо нозукиҳои санъати театрӣ хеле хуб ошно шуда, тавонистанд диққати тамошобинро ба худ ҷалб намуда, сазовори аҳсанти онҳо гарданд.


   2019-03-15      Муфассал...

САНЪАТИ  КИНО - ОМИЛИ МУҲИМИ ҲАМГИРОӢ  ВА ҲАМКОРӢ
Мизи мудаввар

   Дар толори Шӯрои олимони Донишкадаи давлатии фарҳанг ва санъати Тоҷикистон ба номи  Мирзо Турсунзода  14 марти соли ҷорӣ дар мавзӯи  «Санъати кино ҳамчун омили муҳими ҳамгироӣ ва ҳамкорӣ», бо иштироки намояндагони Донишкадаи давлатии умумироссиягии кинематография ба номи С. А. Герасимов - Медведев  Армен Николаевич, профессори кафедраи киношиносӣ, Ининым Аркадиев Яковлевачем, профессор, кинодраматур, нависанда, шоир, профессорони ДДФСТ ба номи Мирзо Турсунзода -Раҷабмад Амиров, Саъдулло Раҳимов, Гулчеҳра Нуъмонова, Фирӯз Улмасов, омӯзгори Донишкадаи давлатии санъати тасвирӣ ва дизайни Тоҷикистон Манзура Улҷабоева ва омӯзгорони кафедраҳои эҷодӣ «мизи мудаввар» доир гардид. 

   «Мизи мудаввар»-ро ноиби ректор оид ба илм ва робитаҳои байналмилалӣ Раҷабмад Амиров  ҳусни оғоз бахшид.  Меҳмонон бобати филмҳои пурмазмун, ки дар солҳои 60-70 – уми  асри XX,  якҷо бо режиссёрону актёрони давлатҳои дӯсту бародар истеҳсол карда шудаанд, табодули назар намуданд.


   2019-03-14      Муфассал...

ДИДОРУ ГУФТУГӮ БО ХАТМКАРДАГОНИ ВГИК

13 март дар толори хурди Муассисаи давлатии Театри давлатии академӣ-драмавии ба номи А. Лоҳутӣ  вохӯрии хатмкунандагоне, ки аз Ҷумҳурии Тоҷикистон дар ВГИК Донишкадаи давлатии умумироссиягии кинематография ба номи А.С. Герасимов таҳсил кардаанд, бо донишҷӯён ва роҳбарияти донишкадаи мазкур доир гардид. 

Қабл аз вохӯрӣ филми мустанади лоиҳаи мултимедӣ дар бораи ВГИК ва хатмкунандагони он намоиш дода шуд. Ҳайати роҳбарикунандаи донишкадаи мазкур -Валерий Аҳадов, Ходими шоистаи санъати Россия ва Тоҷикистон, Владимир Грамматиков, профессори кафедраи маҳорати актёрӣ, Валерий Архипов,  декани факултети рассомии ВГИК, Ининым Аркадиев, профессор, кинодраматур, нависанда, шоир, Владимир Петрович Фокин, Ҳунарпешаи халқии Федератсияи Россия, Армен Медведев, профессори кафедраи киношиносӣ, баромад карданд. Дар вохӯрӣ хатмкардагони ВГИК, ки айни ҳол аз рӯи ихтисосҳои омӯхтаашон дар муассисаҳои давлатии театрҳои касбӣ, Муассисаи давлатии «Тоҷикфилм» ба ҳайси режиссёр, кинооператор, рассом, актёр фаъолият доранд, аз лаҳзаҳои хотирмони даврони донишҷӯиашон ёдовар шуданд. Асламшоҳ Раҳматуллоев, Сулаймон Рашидов, Гуландом Муҳаббатова, Тоҷиниссо Саидова, Наргис Мамадбекова дар баробари ба хотир овардани солҳои дар ВГИК таҳсил намудаашон, ба ташкилкунандагони ин вохӯрӣ миннатдорӣ баён карданд.


   2019-03-14      Муфассал...

МАХСУСИЯТИ КОРИ АКТЁР ДАР МАЙДОНИ САБТ

   Таҳти ҳамин унвон  13 март дар  толори  якуми Муассисаи давлатии «Тоҷикфилм» бо иштироки устодон, донишҷӯёни Донишкадаи давлатии фарҳанг ва санъати Тоҷикистон ба номи Мирзо Турсунзода, когардонҳои кинои тоҷик ва ихтисосмандони соҳа дарси маҳорат баргузор гардид. Онро профессори кафедраи маҳорати актёрӣ, коргардони кино, актёр, продюсер, сенариянавис, Ходими хизматнишондодаи санъати Федератсияи Россия Владимир  Александрович Грамматиков доир намуд.

   Дарси маҳорат  аз дуқисм иборат буд. Дар қисмати аввали дарс  оид ба тарзу усули муосири киносозӣ, марҳилаҳои аввали дарсомӯзӣ  дар ихтисоси  актёрӣ, тайёр кардани киноактёрон, кор карда тавонистан бо дастгоҳи наворбардор, маълумоти муфассал дода шуд. Наворҳо  аз ҷамъбасти  имтиҳонҳои мавсимии донишҷӯён ҳамчун намуна пешниҳод гардиданд, ки дар онҳо тарзи баёни нутқ, ба ҳадаф расонда тавонистани  сухан ифода ёфта буд. Дар жанри новелла якчанд намунаи корҳои донишҷӯён пешкаш гардид.  Профессори  кафедараи маҳорати актёрии ВГИК  ба номи С. А. Герасимов В.А. Грамматиков аз фаъолияти 20 -солаи  худ дар соҳаи тайёр кардани кадрҳои соҳаи актёрӣ ва 8-сол машғул шудан ба фаъолияти продюссерӣ ёдовар шуд.


   2019-03-14      Муфассал...

Шоми дӯстӣ

   Бо унвони «Шоми дӯстӣ» дирӯз дар толори Театри таълимии Донишкадаи давлатии фарҳнаг ва санъати Тоҷикистон ба номи Мирзо Турсунзода барномаи консертӣ баргузор гашт.  Дар консерт донишҷӯёни  курсҳои 2-юм ва 4-уми шуъбаи актёрии ВГИК ба номи С. А. Герасимов ва шуъбаҳои эҷодии факултаҳои  ДДФСТ ба номи М. Турсунзода иштирок намуданд. Сараввал барномаи эҷодии донишҷӯёни ВГИК ба номи  С.А. Герасимов,  ки  иборат аз суруд, рақс, ҳаракат ва порчаҳои  саҳнавӣ буданд, дар ҳаҷми як соат пешниҳоди  устодону донишҷӯёни донишкада  гардонда шуд.

   Сипас барномаи ҳунарии омодакардаи донишҷӯёни ДДФСТ ба номи Мирзо Турсунзода  фарогири оҳангҳои дилнишини оҳангсозони тоҷику рус, рақсу тарона бо забонҳои тоҷикӣ ва рӯсӣ намоиш дода шуд. Ҳаракати саҳнавии «Соя», ки донишҷӯёни курси 2-юми шуъбаи актёрӣ таҳти роҳбарии дотсенти кафедраи нутқ ва ҳаракати саҳна Гулчеҳра Нуъмонова иҷро карданд, хушоянд буд.  


   2019-03-13      Муфассал...



ЭЪЛОНҲО




ВИДЕОПОРТАЛ

Ҳамаи видео



ТАҚВИМ

ПнВтСрЧтПтСбВс



МАҶАЛЛА

Муфассал...